തിരുശേഷിപ്പുകൾ

  

 

പഴകി ചിതലെടുത്ത സ്വപ്നങ്ങളും,

ചാരം മൂടിക്കിടക്കുന്ന ആ ഓർമ്മകളും, 

എന്റെ ജീവന്റെ ശ്വാസം സഞ്ചരിച്ചുതേഞ്ഞുപോയ മൂക്കും, 

ലക്ഷ്യം നശിച്ചു ഇരുളിൽ പൂഴ്ന്ന കണ്ണുകളും, 

തുടക്കവും ഒടുക്കവും ഇല്ലാതെ ഏതൊക്കെയോ-

വഴികളിൽ നടന്നു തേഞ്ഞകാലുകളും, 

ഇടയ്ക്കിടെ കണ്ണുനനക്കാൻ അഗാധങ്ങളിലെവിടെയോ-

കറച്ചു കണ്ണുനീരും...., 

ഇവ എന്റെ കഴിഞ്ഞ ജീവിതയാത്രയിലെ തിരുശേഷിപ്പുകൾ,

ഇനിയും ലക്ഷ്യത്തിൽ എത്തിച്ചേരാത്ത യാത്രയിൽ ഞാനും,
എനിക്കു ഊർജ്ജമായി എന്റെ തിരുശേഷിപ്പുകളും....